Wayahini Dasar Jamannya Bahutang (2)

Manyambung pulang nah kesah nang samalam. Kesah sarabanya urang bahutang hehehe. Samalam pang lapah banar manulis jadi basambung kita kesahnya.

Pamulaan semalam alasannya yaitu karena urang wayahini pintar-pintar. Sudah tabaca lo kanapa ulun jadi sambat kayaitu. Jadi kita lanjut ka alasan nang kadua.
Alasan kadua menurut ulun karena urang wayahini katuju banar umpat-umpatan gaya hidup.
Seikung bisi nang kaya ini, kada mau kalah nang saikungnya. Ada pulang nang bisi nang kaya itu, rugi tu pang mun kada bisi jua. Bujur haja kah? Ni ulun ambil contoh. Kakanakan kota rami basepeda motor merek X, kada usah lawas-lawas mahadangi lihati ja dikampung, banyak jua nang bisi. Kaya apa supaya bisi, ulun wani manjamin. Takuni ha pasti kada saikung dua nang bisi tu bahutang =)

Alasan katalu atawa katiga, karna bahutang sudah jadi 'trend'
Malahan wayahini urang nang ditawari supaya bahutang. Kada ngalih lagi mun handak bahutang. Cuba pian lihati, banyak lembaga pehutangan nang cari-carian lawan urang supaya bahutang wadah inya, ya lo? Sampai-sampai ulun suah mandangar istilah, "kena kanyamanan guring mun kada bahutang". Rupanya dasar trend banar bahutang ni sudah jadi sampai ada isitilah nang kaya itu. Baik mun kada nyaman guring dibawa betahajud malam-malam. Daripada kada nyaman guring nganga-nganga kada karuan akhirnya stres hehehe.
Pina musti ja ulun mi manyuruh urang tahajud, sorang ja gen kada tagawi =P

Alasan salanjutnya apa? Nah, ulun kada tahu lagi hehe. Itu ja pang nang kawa ulun ambil kesimpulan. Adakah alasan nang lain? Silahkan pian tulis sorangan =)
Tapi hutang disini kada tamasuk hutang nangkaya buhan pengusaha gasan bisnis atawa hutang urang nang gasan biaya baubat. Ulun ni mengomentari urang nang bahutang gasan mandapat kamudahan dalam hidup hari-hari.
Tapi jangan jada ingat bahutang tu ada syaratnya jua. Apa syaratnya? Syaratnya asal kawa manahuri! Ya lo? =)
Ini ja dulu kesah ulun tentang bahutang. Bujur kadanya apa nang ulun sampaiakan bisa lain-lain menurut urang. Ulun ni hanya manyampaiakan apa nang manurut pandangan ulun.

Wayahini Dasar Jamannya Bahutang (1)

Wayahini sampai dah lawan jaman dimana urang banyak dibari kamudahan. Kamudahan kayapa? Cuba pian itihi, sepeda motor wayahini bahambur. Dirumah urang asing-asingnya bisi sabuah sorang. Saapa urang rumah saitu jua urang ada bisi sepeda motor. Bayangkan pian mun lagi bahari, jangan besepeda motor, besepeda tinjak gen harat banar. Disambat urang sugih dah.
Imbah itu ada tivi. Parak sabarataan rumah dah bisi tivi. Maka ulun parhatiakan kadada lagi nang hitam putih. Bawarna barataan dah. Urang nang paling sakit gen parasa ulun ada bisi tivi. Ingatakan pian lagi bahari banar tuh. Nang bisi tipi jarang banar. Wani karumah urang bamalaman hari asal tatonton tivi. Mun ulun ja lagi halus bahari tu ingat banar, bilang parak magrib hanyar tabulik karumah karna karamian bakawanan lawan manonton tivi.
Nah, itu hanyar sepeda motor lawan tivi. Balum lagi mesin-mesin nang lain nang liwar mamudahakan urang wayihini. Mulai mesin nang ini sampai mesin nang itu. Pokoknya urang wayahini nyaman banar. Kada usah balapah-lapah begawian hari-hari dirumah. Ada ja mesin nang manggawiakan. Nang tuha jadinya kada uyuh. Nang anum apalagi. Maginnya ae kakanakan nang pina pengoler mandangani nang tuha dirumah, kehimungan inya. Picik tombol nang ini beres, ketek picikan nang itu selesai. Makanya kakanakan wayahini banyak nang bungas dan bengkeng. Kada nangkaya bahari pang muha pina kurisaan.
Kakanakan bahari gen manulungi kuitan kadada muyaknya. Ada wayahini mun muyak turunakan sepeda motor bawa belalah. Kada jaman lagi jar mun betinjak. Ni jamannya begas. Pas bajalanan bilang rajin banar bulang bulik kasana kamari. Jalannya gen tabulik-bulik. Aspal handak lingis mun dapatnya buhan kakanakan nang balaur. Bensin kada ketakaran. Apalagi bensin sudah bamurah, behimat buhannya mun handak bejalanan =D

Babulik pulang kita ke kesah jaman kamudahan.
Lalu pang urang nang banyak duit ja kah nang kawa dapat kemudahan kayaitu?
Jawabanya kada. Urang nang kada tapi panduitan gen asal bisi usaha kawa ja bisi kemudahan nangkaya urang nang lain-lain. Sepeda motor, tipi, wan apa segala macam alat kawa ja buhannya. Nangkaya apa caranya? Caranya yaitu bahutang!
Sudah kada jadi rahasia perusahaan lagi mun wayahini banyak urang bahutang. Nukar sepeda motor, alat elekronik sampai panci di dapur gen kawa dihutang.
Jangankan urang nang kada tapi panduitan, urang sugih gen banyak nang bahutang. Takuni ha pian urang nang pina bemobil-mobil tu, sing apaan ja nah kita, pasti tu barang banyak nang hutangan jua. Ya lo? Hahaha
Lalu apa alasannya jadi urang wayahini banyak wan hakun banar bahutang?
Nah, ulun kada tahu pasti alasannya. Padahal urang bahari anti banar lawan nang narannya hutang. Wani karing liur asal jangan tahutang jar hehe. Lalu ulun cubai maambil kesimpulan sorang. Jadi menurut ulun ada babarapa buting alasan.

Pertama, alasan pemulaan ni menurut ulun karna urang wayahini pintar-pintar.
Urang wayahini kada hakun lagi marasakan sakitnya hidup. Wani bahutang supaya dapat kauntungan. Haw, napa jadi bisa kayaitu?
Ni nah ulun ambil contoh, ada kuitan nang hakun bahutang sepeda motor, bahutang komputer gasan anak sidin nang kuliah. Harapan sidin supaya anak sidin tu kawa jua "bermobilisasi" mun ada kendaraan, kawa jua pintar kaya urang mun bisi komputer. Karena menurut sidin mun anaknya pintar kawa jua kena begawi nang keren hehehe. Jadi kawa jua manjaminakan hidup sidin pas tuha. Kawa tenang.
Bujur ja kah? Mun menurut ulun bujur ja pang tindakan sidin. Artinya sidin mendukung lawan anak supaya jadi pintar. Kawa ja toh pian mambedakan anak nang didukung kuitan lawan nang kada, lain kalo pintarnya =)

Kadua. Apa alasan salanjutnya menurut ulun?
Hadangi ae dulu di posting nang salanjutnya hehehe. Lapah banar dah manulis. Kada tahu pang kesahnya sepanjang ini. Tadi dalam otak ulun asa sedikit ja. Pas ditulis sakalinya panjang banar kesahnya. Jadi mun pian katuju mambaca tulisan ini, silahkan lanjutakan ka posting bagian 2 nya.

Urusan Selera jangan Coba-Coba

Malam tadi kan malam minggu. Maunya ya nyari situasi yang santai-santai aja. Maklumlah, sebagai penyandang predikat lajang =) malam minggu paling diisi dengan kumpul-kumpul sama teman ataupun ngadain acara makan-makan Pissayari (pilih sesuka hati tapi bayar sendiri hehe)
Kebetulan aku ama salah satu temanku berencana makan di salah satu warung makan di pelaihari yang inisialnya "J". Teman yang lain pernah cerita bahwa di warung J ini menu ayamnya enak, harga lumayan hemat, dan juga pasti puas.
Kami jadi penasaran juga. Seberapa lezatnya sih makan di warung ini. Karena selama ini kalo lagi mau makan malam diluar, kami (khususnya aku) sudah tertuju sama 4 warung langganan. Karena rasa menunya udah pas banget di lidah. Tapi demi menjawab rasa penasaran, dicoba juga makan di warung J tadi.
Sekitar pukul 9an kami menuju kesana. Jam segitu memang paling pas menurutku untuk makan-makan. Sampai disana pertamanya agak bingung, dimana mau mesannya? Karena kulihat pelayannya pada ngumpul didapur semua. Ngegosip kali ya hahaha. Masa di warung makan mau mesan makanan ke dapur? Dirumah aja kalo begitu =)
Akhirnya kami langsung duduk aja. Dan tak lama datang seorang cwo dari belakang kami. Rupanya dia pelayannya, tapi aneh aja masa datang dari luar warung hehe. Trus pelayannya nanya mau pesan apa. Ya udah, kami mesan menu standar aja. Ayam goreng plus lalapan.
Sambil nunggu pesanan datang. Mata kami memantau keadaan dan kondisi warung kesana kemari. Layaknya pakar kuliner dan tata boga kami mulai berbisik-bisik menilai warung tersebut.

-Penilaian pertama jatuh pada kebersihan meja dan kursi. Aku sendiri menilainya kurang banget. Bayangkan, pas tangan diletakkan di meja langsung terasa lengket dan agak berminyak. Rupanya bekas orang makan terdahulu ga dibersihkan dengan sempurna. Atau malah ga dibersihkan? Ih....
-Penilaian kedua tertuju pada kerapian. Duh, menurutku ni tempat makan ga oke banget. Masa botol-botol kosong bekas minuman tempatnya ditengah ruangan. Ga enak banget kan dilihatnya.
-Penilaian ketiga tertimpa pada menu makanannya. Eitz, melimpah! Pantasan kata teman-teman makan disini puas banget. Banyak sekali menunya. Ayam yang kami pesan berdampingan dengan macam-macam sayur mayur. Ada yang osengan ada yang berkuah. Nasinya pun dikasih satu wadah penuh untuk tiap orang. Aku sih cuma berpikir, bisa ga menghabiskan semuanya? Tapi berpikirnya ga lama karena aku langsung ngambil nasi kepiring trus nyoba lauknya. Rasanya? Hmm...kurang enak menurutku. Pas nyoba rasa ayamnya ada manis-manisnya gitu dan juga perbandingan tulang sama dagingnya sekitar 50:50. Trus sambalnya cuma dibuat dari kecap sama cabe yang diulek. Jadi nilai keseluruhan, menunya kurang oke.

Penilaian sebenarnya mau diteruskan. Tapi berhubung perut lagi lapar-laparnya, jadi penilaian diakhiri saja dan langsung saja disikat makanannya sampai akhirnya sukses juga menghabiskan sekitar 70% dari makanan yang tersedia. Wuihh...
Selesai makan kusuruh temanku aja yang bayar. Karena ni warung ga nerima pembayaran gesek hahaha (becanda =P). Totalnya? Hmm... Lumayan hemat untuk menu yang telah disediakan. Tapi untuk rasa kayaknya aku merasa rugi deh hehehe

Pas mau pulang. Eh, terpaksa kami melakukan penilaian lagi. Penilaian keempat!Coba bayangkan, air bekas cucian tangan kami sama sisa minuman yang masih ada tersisa digelas ternyata dibuangnya kehalaman. Ih, coba seandainya ada mobil yang parkir didepan tu warung, pasti kesiram dah hahaha.

Akhirnya, berdasarkan pada penilaian tadi kami dan aku khususnya memutuskan untuk ga pernah makan lagi di warung itu. Jadi heran, teman yang bilang makan disana emang jujur mengatakan enak atau mau ngerjain? Ga tau juga sih hehe.
Akupun akhirnya menarik kesimpulan, bahwa urusan selera jangan coba-coba. Jangan main-main. Yang pasti-pasti aja deh. Kecuali memang ada yang memberikan garansi atau jaminan misalnya makan di suatu tempat kalau ga puas uang diganti hehehe. Ya ga?