Ngalih ae mun jadi lakian nang kada bisi gandengan permanen ni. Mun malam minggu nganga-nganga ae lagi kadada nang diapeli. Meungut di rumah manonton tivi. Paling mun bensin sepeda motor pina hibak, bejalan ae lagi gawian nang paling rami. Beputar-putar menggilas aspal lawan kakawanan yang lain. Makanya mun pian handak tahu, jalanan di kota ulun ni, kota pelaihari, maka hanyar-hanyar ja diaspal tapi wayahini sudah banyak nang balubak-lubak, aspalnya tekuyakan. Gara-gara kenanakannya katuju banar balaur maukur jalan hehe (kada mungkin jua pang lah)
Nah, sialnya malam minggu tadi sepeda motor ulun dipakai ading ulun. Handak mahadiri acara di salah satu mesjid di pelaihari. Asa ngalih jua mun kada diinjami karna sepeda motor nang lain tapakai jua. Jadi napa da lagi, pada bahinip ae kada kawa bejalan. Untungnya ada kawan nang datang membawai bejalan. Syukur kada jadi behinip hehe. Kada lawas tulakan ae lawan kakawanan melakukan aktifitas belaur. Tapi kadanya belaur tarus pang sampai mauk kepala. Ujung-ujungnya kawa ditangguh, paling betajakan =D
B-e-t-a-j-a-k-a-n. Istilah ni pasti kada asing lagi dah lawan talinga anak muda banjar. Handak barataan suah betajakan. Sing apa ja nah kita? Hehe. Malahan menurut ulun kakanakan dikota besar nangkaya banjarmasin atau banjarbaru nang meuluakan betajakan ni.
Tapi napa gerang arti betajakan tuh?
Amun diartiakan bujur-bujur kadalam bahasa indonesia, betajakan asal katanya dari kata 'tajak' nang artinya tancap, menancapkan, diri, mendirikan. Bujur ja kah? =)
Tapi betajakan disini artinya berkumpul di suatu tempat untuk waktu tertentu. Waktunya tu nang paling raminya pas hari sudah karamian atawa pas malam. Apalagi malamnya pas malam nang isuknya parai, magin rami ae mun handak betajakan lawan kakawanan. Betajakan ni biasa banyak takumpul di tempat tertentu. Biasanya di lapangan-lapangan atau dipinggir jalan nang rami. Uniknya, buhan nang katuju betajakan ni biasanya meolah genk sorangan nang tabagi atas dasar hobi atau nang lainnya. Jadi buhannya sambil bependeran sambil bediskusi jua tentang hobi buhannya masing-masing. Jadi, betajakan ni ada jua manfaatnya. Kada sekadar bependeran kada mangaruan atau mahauri bibinian =)
Apa ja nang digawi kakanakan bila betajakan tuh?
Napa da. Besantai banarae. Paling bepandiran lawan kakawanan masing-masing. Behapakan. Besambatan. Beurahan =D
Ada jua nang beatraksi. Menjamping-jamping akan sepeda motor. Pokoknya baranghaja asal maulah rami. Sampai kena masing-masingnya muyak atau mangantukan hanyar bulikan karumah.
Bebulik pulang kakesah ulun nang batajakan lawan kakawanan tadi. Kada pa pa ae nang digawi. Bepandiran nang kada jelas, bahanu maurahakan binian nang lalu. Pas muyak dah, lalu ae kami bulikan. Padahal parut ulun asa lapar. Handak mambawai buhannya makanan asa kada wani pulang karna kadada bejanjian bayar sorang-sorang. Handak manraktir tapi pas takana sorang lagi karing jua. Jadi batarusae lagi diantarakan kawan karumah.
Demikianlah kesah ulun betajakan di malam minggu hehehe.
Nb : Maaflah mun nang mambaca marasa tulisan ni kada bamutu
Tidak ada komentar:
Posting Komentar
Monggo ya dikasih komentar. Telat reply jangan marah :)