Beberapa hari ni nah pina kadada lagi hujan. Digantinya lawan hari nang panasnya liwar manggantang. Kepala ja gen jadi asa hangit mun dibawa bejalan. Kulit asa malingit. Dua hari ja gen bawa bejamur langsung pina behirang awak hehehe. Apalah nang raminya lawan nang nyamannya mun tadapat hari nang liwar panas kaya ini?
Dibawa guring?
Sudah jua. Tapi asa kada kawa guring jua. Asa gelisah tadi pang. Kapanasan!
Bawa minum banyu es?
Kutan pulang kalo pina batukan lawan salesmaan. Maka penyakit nang badua tu bujur nyaman dicari tatambanya tapi lambat ampih penyakitnya. Jadi asa kutan-kutan mun behimat minum banyu es.
Dibawa mandi?
Jar urang mun awak nang lagi kapanasan lawan paluh-paluhnya mun dibawa mandi bisa bepanauan hahaha. Bujur jua kah? Mun ulun sorangan koler jua pang mandi amun masih siang harinya. Biasa mandi tu bisukan lawan kamarian =)
Dibawa guring indah, minum es kutan, mandi tesalah. Jadi apa yang nyamannya?
Nyamannya bawa besabar ae mahadangi hari ampih panas hahaha
^^v
Tidak ada komentar:
Posting Komentar
Monggo ya dikasih komentar. Telat reply jangan marah :)