Mantra Urang Bahari

Urang bahari tu manurut ulun dasar unik wan pina ajaib. Macam-macam haja adat wan kabiasaan nang urang wayahini kada mau mamakai lagi adat wan kabiasaan nang kaya itu. Salah sabutingnya adalah mantra-mantra nang pina aneh =) Banyak mantra-mantra nang biasa jadi amalan urang bahari. Jadi ulun ada mandangar kesah dari paninian ulun. Kesah mantra atau babacaan nang dipakai urang bahari bila handak bapupur. Mantranya nang kaya ini :

Pur sinapur
Kaladi baguyangan
Singhaja aku bapupur
Si ... karindangan

Titik-titik tu disambat naran urang nang handak dikarindangiaka n. Jar nini ulun ada-ada haja urang nang maamalakan nang kaya ini lagi bahari tuh. Maka jar amun si ampun bacaan ni yakin dasar bisa maulah karindangan urang nang disambatnya tadi. Syaratnya harus tatamu lawan urangnya. Jadi mantra atau babacaan nang kaya itu kada sakadar bacaan wara. Tapi ada jua mistis-mistisnya. Itu pang manariknya urang bahari hehehe...

Padahal ada lagi mantra-mantra nang kaya itu. Lumayan rami mun handak bakesahan masalah itu. Tapi ulun kurang bahan gasan tulisan. Lawas pang ulun kada bapandiran lawan nini ulun. Haur tarus. Sidin tu pang nang tahu banar kesah-kesah bahari. Jadi asa manarik parhatian ulun mambahas hal-hal nangkaya ini.
Jadi hadangi ae postingan ulun kaina baasa. Mudahan dapat banyak bahan kesah saputar mistis urang bahari.